Logo da final do Queixo Maquetón, Le Punk abre a noite do sábado ás nove, para rematar cara a unha e media da madrugada co gañador do concurso de maquetas. O domingo pola tarde comeza coa actuación da banda catalana Always Drinking Marching Band, que fará o seu espectáculo musical itinerante polas rúas de Arzúa. Xa ás sete da tarde dará comezo a actuación de Uxía e a súa banda lusófona para rematar con Vaamonde, Lamas e Romero, actuacións afincadas na tradición e universalidade da nosa música. Tamén merece especial mención o concerto que ofrecerá a Orquestra Sinfónica de Galicia na Capela da Madalena o sábado ás cinco da tarde.