A xuiza estima que a empresa non xustifica documentalmente os hipotéticos desequilibrios e lembra que no contrato inicial do ano 1993 non se fixaba unha clausula de revisión automática. O canon é unha cantidade que o Concello debe abonar á empresa concesionaria, no caso en que esta xustifique desequilibrios na xestión do servizo. O alcalde de Fene Gumersindo Galego criticou ao goberno anterior por non contestar á reclamación de Viaqua previa ao contencioso administrativo.

Galego acusou ao anterior alcalde Juventino Trigo do que calificou como “baixada de orellas” fronte a Viaqua. O contrato de concesión á empresa do servizo de auga e abastecemento finalizou en novembro de 2018. Comunicouselle á Viaqua a finalización do contrato e a súa obriga de continuar prestando o servizo de xeito transitorio ata que o Concello decida a nova fórmula de xestión. Será unha das tarefas da Corporación que saia das urnas o vindeiro 26 de maio.