Talía Teatro estrea VIDA DE CANS no Pazo da Cultura de Narón. Talía teatro levará a Narón a súa última montaxe, Vida de Cans, esta semana, o venres 22 e sabado 23 de febreiro, un texto de Cándido Pazó, que el mesmo dirixe. A montaxe é unha visión do mundo dos humanos desde o punto de vista de tres cans, Nemo, Lupo, e Nolo, interpretados por Dani Trillo, Toño Casais e Artur Trillo. Unha visión cómica en moitos momentos pero que non está exenta de crítica cara os seres humanos.

Dani Trillo encárgase do deseño do espazo escénico e da iluminación, Martina Cambeiro do vestiario e da maquillaxe, Fernando Fraga da música, Fausto Isorna do deseño gráfico e Rubén Prieto da fotografía e vídeo. As entradas para asistir á obra poden adquirirse xa no despacho de billetes virtual do Pazo da Cultura. O público xeral pagará 9,50€ e 6.65€ abonados, desempregados ou Carne Xove ou de Estudante (ata 25 anos).