A Concelleira de Benestar de Arzúa, Aurora Varela, daba conta esta mañá da importancia de desenvolver iniciativas deste estilo “nas zonas rurais do noso concello onde os veciños e veciñas teñen unha oferta de actividades moito máis limitada ca os que viven no casco urbano”, é por iso, engadiu, que nos últimos anos “tratamos de converter os locais sociais parroquias en centros de ocio e dinamismo da vida do rural contando cunha grande aceptación por parte dos veciños”. Hoxe en día, a práctica totalidade das parroquias de Arzúa conta con algunha oferta formativa ou lúdica que se lle ofrece dende o concello e que abarca actividades tales como talleres de cestería, ximnasia de mantemento, técnicas para a habilidade social, talleres sobre memoria, arte florar ou motricidade.

Na actualidade estase preparando un obradoiro sobre adornos de Nadal que será impartido en todas as parroquias; segundo deu a coñecer a Concelleira de Benestar Social “a media de participantes nos obradoiro é dunhas 15 persoas, aínda que hai casos como a parroquia de Boente onde o número de veciños nunca baixa dos vintecinco”.

O obradoiro de musicoterapia está aberto á participación de todos os veciños do rural, impartirase no local social de Vilantime o vindeiro luns, día 2 de novembro, en horario de 4 a 8 da tarde.