A violencia contra as mulleres vista por Walter Astrada

A violencia contra as mulleres vista por Walter Astrada

19 de Novembro, 2014 - 12:00 h. | Publicada por Radio Ordes

Un compromiso coas mulleres que sofren violencia en todo o mundo. O fotoxornalista arxentino, Walter Astrada, inaugura mañán no Museo Pedagóxico de Santiago de Compostela a exposición “ Violencia contra as mulleres”, un proxecto da ONG Humana Fundación Pueblo para Pueblo que conta coa colaboración da Secretaría Xeral para a Igualdade.

"Violencia contra as mulleres" acolle 20 imaxes de mulleres sometidas a todas as variedades de violencia en relación co xénero, en catro países diferentes: Guatemala ( 600 mulleres asasinadas), Congo ( en guerra civil permanente onde as mulleres sofren violacións a cotío) , India ( onde os infanticidios femininos provican a falta de mulleres) e Noruega (onde a pesar de ser un país do primeiro mundo e dos máis seguros, 80 mulleres foron asasinadas a mans das súas parellas entre o ano 2000- 2013).

Walter Astrada obtivo o premio World Press Photo en tres ocasións, a última no 2010. O xoves estará en Compostela na inauguración da mostra “ Violencia contra as mulleres” que permanecerá un mes na capital galega.

Sociedade
  • 314 lecturas