O cantautor ven de editar o seu novo traballo, “Para nunca esquecer”. Un disco de pequeno formato, con 6 pezas, nas que o autor quer lembrar unha etapa da nosa historia que segue a ser unha ferida mal curada, un inxusto esquecemento de quen sufriu e nunca foi vindicado.  Constenla rescata a memoria aos esquecidos e a aqueles aos que se lles quitou a vida de moitos xeitos. 

O disco recolle unha peza que é en sí mesmo un fermoso agasallo musical. Xosé recupera un episodio moi pouco coñecido da Guerra Civil no que Castelao e Santiago Álvarez, mobilizaron unha Milicia Popular Galega para defender Madrid dos golpistas. Ao chamado do Partido Galeguista milleiros homes e 150 mulleres conformaron un batallón que, ao berro de “Viva Galiza Ceibe”, participou na defensa de Madrid.

Fotografía: XanXe