“Temos que levar as diversas voces galegas sobre vivenda a Bruxelas, posto que este é un dos temas que máis preocupan aos galegos e as galegas e é un obxectivo prioritario do BNG que os galegos e galegas teñan acceso a unha vivenda digna e asequible”, subliña a eurodeputada do Bloque, quen indica que a delegación galega estará integrada por unha ampla representación da realidade social e xeográfica galegas.
Así, a delegación está conformada polas alcaldesas de Cangas do Morrazo e Barreiros, Araceli Gestido e Ana Ermida; o responsable da Comisión de Vivenda da Executiva do BNG, Xurxo Rodríguez o concelleiro de Urbanismo de Santiago
de Compostela, Iago Lestegás, e o concelleiro da Área de planificación do territorio de Pontevedra, Alberto Oubiña; o vicepresidente da deputación de Lugo e concelleiro en Sarria, Efrén Castro; os portavoces municipais de Ourense e
Ferrol, Luis Seara e Iván Rivas; as concelleiras de Vigo e A Coruña, Ana Martínez e Avia Veira; a concelleira en Ames, Escarlata Pampín; o concelleiro en Sanxenxo, Fran Leiro; e a responsable comarcal de Lugo Sur, Rosana Prieto.
Fondos europeos
“Nos diferentes concellos, o BNG estamos levando adiante iniciativas para garantir o acceso a vivenda digna e asequible e pensamos que estas propostas teñen que ser escoitadas en Europa”, sinala Ana Miranda, quen ademais indica que o Parlamento Europeo creou recentemente a Comisión de Vivenda, unha comisión que ten competencias para elaborar un informe final no que se trasladen as problemáticas que se producen nos distintos territorios e estados. “Queremos que este documento reflicta a realidade galega”, manifesta a eurodeputada do BNG, ao tempo que defende a necesidade de que Galiza reciba fondos para vivenda no seguinte período orzamentario, “e para iso é preciso recoñecer que este é un dos principais problemas do país”.