Quince establecementos participarán na festa da moda de Fene. Estarán decorados no exterior con columnas de globos. Haberá exhibicións de baile, desfiles de modas, actuacións musicais e unha batukada que percorrerá todos os negocios participantes. Desde o Concello dáse apoio ao comercio local nesta iniciativa porque valoran a vida e o emprego que xera o tecido comercial fenés. A Fashion Night é unha iniciativa “na que hai moito traballo, é un grao de area para darlle visibilidade ao comercio local”, destacou Ana Basoa.

O horario comercial nesta festa da moda do comercio local fenés será de 10 a 13.30 horas e de 18 a 22 horas, para que todo o mundo poida gozar das actividades a animarse a comprobar a calidade dos produtos que ofrece o comercio de proximidade. Sábado 13 de xuño, un día para vivir a moda en Fene que celebra unha nova edición da Fashion Night.