Aí si queres que Neda cambie
Pensa ben a quen vas votare
Que despois do voto contado
Non tés nada que reclamare.

Éste é un anaquiño da letra da canción coa que a comparsa “A Canteira “ de Neda deleitará ao público mañá en Fene.

Os trinta compoñentes da comparsa levan traballando arreo desde hai cinco meses na construcción dun bus para reivindicar novas liñas para a parroquia de O Puntal. Máis aí non queda a cousa, os nedenses traerán a Fene toda unha comitiva nupcial, noivos, padriño, madriña, nenos vestidos de invitacións e de agasallos. Non faltará ninguén ao bodorrio carnavaleiro. Tampouco faltará o bispo, que encarna Rubén Río quen explicou esta mañá en Radiofusión a troula que teñen preparada.  

O autobús será o gran protagonista da comparsa e o cartaz reivindicativo da mesma.