O proxecto incluirá  a restauración do mural “Todos metidos nun bote”, pintado pola asociación de amigos do Museo do Humor en novembro de 1996 no muro da igrexa de Perlío na avenida das Pías. O concelleiro de Cultura Justo Ardá adiantou que Aspaneps se encargará da restauración do mural. Un piar da cultura galega e embaixador de Fene. Esas son dúas das características da obra do debuxante. A Xaquín Marín notáselle que é galego e que é de Fene, segundo explicou esta mañá o alcalde de Fene Juventino Trigo. Facer un arte popular, útil, de igual para iguais, coa intención de despertar conciencias. Ese foi sempre o obxectivo da súa obra artística. Alexandre Marín actuou como comisario da exposición. Resumiu nunha viñeta de Xaquín Marín o espírito da obra do seu pai. 
Recollemos de seguido a cita de Uxío Novoneira a propósito dunha exposición conxunta de Xaquín Marín e Raimundo Patiño:
“En Xaquín Marín o debuxo é algo controlado. Nunca a man vai máis alá da propia conciencia e decisión social. Os dous son pintores e traballadores ben implantados na problemática actual. Están alí onde se está sufrindo e se dirime o destino do home. Por iso a súa obra ten esa grandeza de conciencia extrema e de loita, ese aire de transo decisivo”. Volta a orixe. Grazas a esta exposición monográfica, Xaquín Marín volve ao Museo do Humor de Fene.