Tivo moito que deliberar o xurado para outorgar algúns dos galardóns nesta edición dos Premios Curuxa, explicou Almudena Marcos. 

Juan Gabriel Benavides gañou o 1º premio Curuxa cun debuxo titulado “Habitación”. O 1º Premio Curuxa Nova foi para Anxo Iglesias. Galardoárono polo debuxo “Prohibido cans”. E o xurado concedeulle o Premio na categoría Caricatura ao traballo presentado co título J.M. Aznar, de Matías Tolsá Montedoro. 

Nesta edición, o 2º Premio Curuxa, foi para Juli Sanchís Aguado, Harca, pola obra titulada Menú completo.Ademais, recibiron mención de honra no certame Antonio Sabín Anca, Tonisavski, e Sebastià Martí Benedí (na categoría Curuxa); e Roberto Bianchi e Iván Mata Tamayo (na categoría Caricatura)

A alcaldesa de Fene, Sandra Permuy, avanzou que no último trimestre do ano o Museo do Humor Xaquín Marín acollerá unha exposición cunha selección dos traballos que concorreron á convocatoria. Ademais, na web do Museo habilitarase nesas datas unha galería virtual con todas as obras presentadas ao concurso este ano.