Coa posta en escea das obras gañadoras de Composición arrinca o certame o vindeiro domingo 8 de novembro. Neste apartado o  Premio de Composición para Gaita Galega Solista reaceu en Xesús Rodil Rodríguez pola partitura “Lugrís” para Gaita Solista, Orquestra de corda, percusión e piano. Amais entregaranse dous accésit  a Pablo Devigo pola obra “Jota” para Gaita, Orquestra de corda e Piano e a Xavier María López Rodríguez. Pola peza “Tumbaleira” para Gaita, Orquestra de Corda e Piano. 

A final de gaiteiros solistas desenvolverase o luns 9,  na que concurren 10 aspirantes seleccionados previamente polo xurado. Seis galegos optan a este recoñecemento. Pablo Devigo de Castro Caldelas,  Gonzalo Manuel Abelairas de Ourense, Isidro Vidal Gallardo de O Carballiño, Bruno Villamor de Lugo e Pedro Alvarez de Nigrán. O sexto galego e unico ferrolán finalista é Ricardo Mouriño. 

A participación complétase con catro “Gaiteiros de Soutelos”, Daniel Lumbreras de Donosti, o venezolano Eric Alexander Corrante e dous arxentinos Nicolás Ramiro Pérez e Santiago Agustín Molina.

Nesa derradeira xornada do concurso tamén se entregarán os premios aos galardoados no apartado de Composición para Gaita Solista.

O xurado do XIX Concurso de Gaita Galega “Constantino Bellón”, compóñenno Víctor Fernández Gabeiras, Xavier Rodríguez Fariñas, Pablo López Torneiro e Xoán Rodríguez Silvar.