Critica o portavoz do Grupo Popular que “non hai avances en temas como a cesión de terreos para o novo centro de saúde, o PXOM ou o paso elevado de Perlío”. Gumersindo Galego pensa que o Concello verase abocado a pedir un crédito “mentres o PP deixou a cero os préstamos bancarios”. Censura que se manteña a prestación de servizos, como o da auga, co contrato caducado. 

Respecto das previsións do Orzamento da Xunta no Fondo de Cooperación Local, que a Fegamp considera insuficiente para as necesidades dos concellos, Galego opina que “o que está claro é que se incrementaron”. “Os concellos necesitan moita financiamento, pero tamén hai que pensar que é un sistema moitísimo mellor e máis aberto que o da Deputación”, asegura o voceiro do PP.