A cita, organizada polo Padroado Municipal de Deportes en colaboración co  clube ferrolán  discorrerá sobre un triángulo, dentro da enseada da Malata, na zona anexa á glorieta de entrada ao porto de Ferrol. As inscricións na competición son libres. Poden participar todos os nadadores e nadadoras que o desexen, posúan ou non licenza federativa. Mañá xoves, remata o prazo de inscrición ben no Padroado ben no Clube Marina. Os rezagados teñen  a posibilidade de inscribirse ata unha hora antes do comezo da travesía no mesmo lugar da saída. 

 O concelleiro de Deportes de Ferrol  Manuel Santiago, no acto de presentación da travesía lembrou e ensalzou a figura de Abelardo López. Un gran nadador que, segundo comentou a súa filla, na súa época non puido disputar os xogos olímpicos por motivos administrativos, que pesaron máis que a súa valía. Nesta liña, o Padroado de Deportes editaba un díptico no que se recolle a súa traxectoria como deportista así como as proezas que conseguía, superando uns percorridos increíbles en distancia e tempo.
 

A singradura conta con dous circuitos. O denominado como “A”, de 2.000 metros de lonxitude e dirixido aos deportistas con idades comprendidas entre os 12 e 38 anos. O “B”, de 1.000 para os de menos de 12 e máis de 38 anos. A Travesía Abelardo López é unha das probas clásicas e de maior prestixio da Comunidade, onde están prohibidos o neopreno e outras axudas técnicas . O que prima é o esforzo persoal.