O Decano de Humanidades, Manuel Recuero, e o alcalde de Neda, Ignacio Cabezón, inauguran as Xornadas Literarias o mércores 21, ás 8  da tarde na Facultade de Humanidades. A conferencia inaugural “ Pessoa sem máscaras”corresponderá ao profesor da Universidade Nova de Lisboa, Fernando Manuel Cabral Martíns.

O xoves e venres as xornadas discurrirán xa na Casa da Cultura de Neda coa intervención, o primeiro dia,  de alumnos-as do IES Fernando Esquío e a intervención de Fernando Cabral e Elías Torres para falar sobre o reflexo da paixón de Pessoa pola vida na sua obra. “Pessoa, vale a pena Viver!

O venres ás 7 na Casa da Cultura de Neda péchanse as VIII Xornadas cunha mesa coloquio sobre Pessoa e o cinema. Participan José Manuel Sande, do CGAI, Carlos Quiroga e Carlos Figueras. Unha mostra bibliográfica e outras actividades relacionadas co cine e a musica discurrirán paralelas ás conferencias.