A xurela, o grande descubrimento da nova cociña galega

A xurela, o grande descubrimento da nova cociña galega
27 de Febreiro, 2019 - 01:24 h. | Publicada por Radio Culleredo

Pescada e xurelo foron as especies máis abundantes na última poxa rexistrada na confraría de pescadores de Cedeira. Na lonxa da Coruña houbo moito lirio, pero tamén saiu pescada, xurelo, boga, rapantes, escachos e faneca nestes calurosos dias de finais de febreiro. Xa en menos cantidade houbo polbo e raia. O prezo máximo do quilo de xurelo na Coruña non chegou aos dous euros.

A xurela, gran descubrimento da nova cociña galega

O xurelo é a “lagosta do pobre” e non o aprecia quen non o coñece ben, segundo afirma Fausto Galdo no Abecedario das mantenzas. Peixe azul, cheo de graxas das boas, das poliinsaturadas, que achegan saúde e compensan as desfeitas que nos fan outras de orixe animal. Pódense comer os xurelos pequenos fritidos, abertos e salgados ou grandes ao forno. A xurela, ou o xurelo grande, é o grande descubrimento da nova cociña galega.

Sociedade

Publica o teu comentario agora