Así, estes catro músicos viscaíños xa poden presumir de telonear a unha das grandes bandas da historia da música, os Rolling Stones, xa que en xuño de 2007 foron os escollidos para tocar no concerto que os británicos ofreceron en Bilbao.

Zenttric tivo no 2009 o seu gran ano, xa que foi nomeada aos Premios 40 Principais 09 como Mellor Artista Novo e Mellor Vídeo, o do seu grande éxito, Solo quiro bailar, que reflicte, segundo Bermúdez “a potencia, a calidade e o seu bo facer”.

Pero os eloxios non quedan aquí, posto que recentemente foron elixidos Novo Talento Fnac, e acaban de recibir dúas nominacións aos Premios da Música como Artista Revelación e Mellor Álbum Pop.

Zenttric é unha banda bilbaína formada por Gutxi (voz), Mikel (guitarra), Iñigo (baixo) e Javi "Moe" (batería). Este grupo como Zenttric, é unha achega de cancións exemplares, un excelente exercicio de música pop con letras cantadas en castelán que nunca se recrean no obvio, no ripio, no cómodo; cunha instrumentación precisa, contundente, imaxinativa e cunha voz que arrisca e nunca decepciona.

Unha mostra é o seu primeiro single “Sólo quero bailar”, que é unha primeira declaración de principios. O seu Lp, “Con Z y 2 Tes..” ten un bo desenvolvemento, un retrouso que vai directamente ao disco duro mental, unha boa instrumentación, unha voz con descaro e convicción e unha produción de Nigel Walker, que xa traballou para grupos como Pereza, M Clan, El Canto del Loco, Hombres G o La Oreja de Van Gogh.