O que si teño claro na memoria é que deseguida me amancebei cunha xuíza que tamén acababa de chegar á capital desde Galicia e que remataría sendo a nai de Clara, a miña única filla, nada en 1982. Acórdome porque houbo unhas eleccións, porque se desbaratou outro intento de golpe de estado e porque afondei moito no meu proceso de maduración, que culminaría catro anos despois, no 86, cando me reconverteron automaticamente en inspector xefe trala unificación dos dous Corpos de Policía existentes ata ese ano e me transformei definitivamente no funcionario competente pero corrupto que desde entón sempre fun.

Isabel Bravo, Cándido Barral, Leo Toral, o doutor Díaz del Valle e o músico Miro Casabella colaboraron na produción do podcast "Os incurabeis". Tamén prestou a súa axuda o Círculo Mercantil e Industrial Unidade de Fene. Fotografía: Xan Xe Corral