"A pregunta de Lucía, a miña ex, interesándose polo meu último caso pendente que tiña entre as mans, serviu para cambiar por completo o ton da nosa charla, antes xocoso e agora case sempre serio; ás veces, incluso solemne, en consonancia coa temática abordada. E serviu tamén para clarificar algunhas das miñas dúbidas sobre os meus casos cunha persoa de total confianza que era, ademais, moito máis intelixente ca min en todos os aspectos e, dada a súa condición de xuíza en exercicio, infinitamente máis competente nas implicacións non só xudiciais senón tamén morais dalgúns dos moitos asuntos que, ultimamaente, me preocupaban. Por iso, como case sempre que falaba con ela, non dubidei en contarlle toda a verdade". Explícase así o inspector Pereiro, papel representado por Franki Muiño no podcast Os Incurábeis.