ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Cristina e David, el de Fene, ela de Pontedeume. Son a parella de emprendedores que están a fronte de Casa Arribe, establecemento de hostalería de Neda, situado no Puntal, no número 108 de Médico Cebreiro, que reabriu a finais do mes de maio, logo de dous anos pechado. A decisión de facerse cargo deste negocio foi atinada.
"O balance é moi satisfactorio, sobre todo tendo en conta todo o tempo que levaba pechado este negocio", di Cristina. Madrugan moito para dar servizo aos traballadores e atender a súa demanda de cafés antes do comezo da xornada laboral. Desde as seis da mañá serven aos primeiros clientes e só pechan os xoves por descanso Con horario ininterrompido, prolongan o servizo ata a noite, traballando a quendas. Un pola mañá e outro pola tarde, agás nas fins de semana, cando son precisos os dous para atender ao público no local. Porque, aínda que está moi orientada aos cafés, a Casa Arribe tamén comeza ter sona pola súa brasa. Nas fins de semana, ofrecen churrasco e callos para comer alí ou para levar á casa e pinchos como tripas e orella. "O churrasco gusta moito, é o que máis nos piden", asegura Cristina, que recomenda reservar. Pode facerse por teléfono ou a través das súas redes sociais. Teñen conta en Facebook e Instagram. De feito, nas fins de semana atenden moitas familias e grupos de amigos que van alí tomar o vermú ou ver os partidos, mentres pican algo e gozan das magníficas vistas da ría desde as mesas situadas ao fondo do local.
Comentarios
Tuve la suerte de parar en el
Paramos a menudo , y sea x
Yo pare ya varias veces,
Publica o teu comentario agora