O seu propietario, Carlos Varela, lembra en Radio Fene cando seus pais abriron este local e por que leva o nome do Muíño do Vento. A boa relación calidade-prezo que ofrecen aos seus clientes é unha das moitas claves do seu éxito. Peixes, mariscos, carnes, viños e postres caseiros compoñen unha carta que aposta pola variedade e os produtos da terra. “Démonos a coñecer, principalmente, polas ameixas á prancha que é un dos pratos estrela. Procuramos traballar sempre produto galego. Ofrecemos unha parrillada de peixes con catro ou cinco variedades de peixes do día. Temos tamén boas carnes de tenreira galega e cordeiro, máis de 500 referencias de viños e postres caseiros como a tarta de filloas con crema e chocolate”, destaca Varela. 

Na imaxe, Carlos Varela, propietario do Muíño do Vento.

Fotografía: Xarda.