“Baby boom” (La Sexta, 22:30 h.)

Programa: 
Televisión

O único programa que podería facer que Rouco Varela prendese La Sexta estréase hoxe. Consiste nun formato de documental-espectáculo importado dos Estados Unidos no que vemos aos humanos na situación máis salvaxe posible, a que máis nos aproxima á naturalidade dos nosos compañeiros animais: nacendo, saíndo do ventre materno, todo engurras e choros. Os xatos póñense de pé moito antes, mentres que nós xurdimos moi impedidos, polo que a maior parte do espectáculo póñeno ás nais, ás que decenas de cámaras gravan durante todo o proceso hospitalario do parto: dende a ilusión primeira, pasando polo esforzo posterior e os xuramentos arameos, e rematando na ledicia definitiva, entre suor, bágoas e, hai que dicilo, algo de porcallada tamén. Por enriba dos berros soará a voz da radiofónica Gemma Nierga nun produto feito para apelar á emoción máis elemental de todos nós, os que estamos aquí pero que non lembramos como. “Baby boom” emítese ás dez e media da noite.