ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
Ese mundo que se dirixía cara a modernidade do século XX fervía. Mentres, en Madrid o único que fervía, elevando aos ceos unha columna de fume negro, eran as fogueiras que o tribunal xusticeiro da Igrexa foi quen de manter prendidas durante case catro séculos, facendo churrasco con impíos, sodomitas e conspiradores inimigos da familia, da misa de 12, da fe e dos seus apóstolos. Centos de heterodoxos foron prestando ao longo dos anos a súa man aos inquisidores. Estes tomábana amablemente, logo a ataban con cadeas a unha polea e activaban o mecanismo do poldro torturador para collerlles o brazo, estirarllo e, xa postos, arrincarllo do tirón. Se a mortificación da carne pode levar ao gozo, como nos ten cantado Madonna durante os últimos 25 anos, conveñamos entón que a Inquisición foi o gran club de sadomaso e bondage que coroas e papados dende o século XV a (nin máis nin menos) que o XIX, mantiveron operativo para derramar cera, marcar con ferros, empalar e, por suposto, queimar a lume vivo. “La Inquisición: una tragedia española” é o acaido título do documental que se emite no espazo “El documental de La 2” a partir das dez da noite.