ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
O Barcelona Atlántica é un programa de radio feito en galego dende a diáspora galega en Catalunya. É un dos programas da factoría de ERGaC (Espazos Radiofónicos Galegos en Catalunya). Aínda así, non é un programa para emigrantes. Non soan os grandes éxitos dos emigrantes dos anos 50 ou 60, nin a morriña pretende estar presente nas ondas hertzianas. O BCN Atlántica pretende ser unha ponte entre a faciana atlántica e as costas mediterráneas; entre aqueles homes e mulleres que viñeron buscar o seu futuro a Catalunya e os galegos e galegas que ficaron no país. Unha ponte pola que pasan e pasarán moitas voces diferentes. E aí radica a súa fermosura.
O Barcelona Atlántica non é un programa de información, tampouco é un magacín ao uso. Ten actualidade galega; mais tamén dispón de seccións de humor, de deportes ou de música galega. Todo dende unha óptica independente e comprometida co país. O BCN Atlántica tan só é un exemplo máis da cultura galega que se constrúe alén das fronteiras de Galicia.
Por qué radio en galego dende Catalunya? Primeiro, para dar a coñecer o noso país polo mundo. Segundo, pola necesidade de integrarnos no país de acollida do mellor xeito: dende a realidade dos seus barrios e localidades. E terceiro, pola necesidade de conectar, cada semana, con esa Galicia nai que levamos no corazón.
Para máis información, o noso blogue e o noso correo electrónico: