Cunha altura duns 20 metros, perímetros de troncos que chegan ata os 5 metros e exemplares centenarios, o conxunto dos castiñeiros de Maniños presentase ben conservado e cun excelente estado sanitario. Neste outono asoma á estrada da Armada cos seus tonos dourados e marróns. Tamén atopamos exemplares de “castannea sativa” destacabeis no Parque Rosalía de Castro de Perlio, no colexio O Ramo de Barallobre e no Centro de Saúde de Maniños. Tamén sobresaen pequenos soutos no parque do Río Bá e na fraga do Belelle.