Para o Deportivo comezaron axiña os contratempos. A lesión de Pizarro e a marcha súbita de Sara Extremera foron recollidos no programa. “Teño un potencial e aquí estou segura que me darán as ferramentas para poder facelo”, sinalou a internacional uruguaia.

En canto á Segunda Federación, o At. Villalonga ficou eliminado da Copa de España e, na Terceira, Chivi García, alma do Victoria santiagués, falou dun sentimento común con outros clubs en relación á reestruturación da categoría: “Liga curta, descafeinada e sen nada favorable para o fútbol feminino”.

Recuperamos a sección de “Galegas na emigración” aproveitando a visita copeira do Oviedo a Vilalonga, Andrea Villadeamigo e Nere Lombardero puxeron fin ao novo episodio de In The Corner.