“Edénicas é orgásmico. Todo é orgásmico se ti queres. Non hai limites niso, tendo en conta a ética, loxicamente. Todo pracer é natural e todo pracer é orgásmico dependendo de quen, en que momento, en que situación… Un cocido nun día de frío de inverno pode ser moi orgásmico. Falo da comida porque é o que mellor identificamos como pracer”. Así fala Andrea F. Maneiro no clube de lectura de Radiofusión do seu poemario editado por Caldeirón, gañador XVI edición do premio de Poesía Illas Sisargas.