A anécdota do xogador do Deportivo Bébel fronte ao seu pelotón de fusilamento recóllea Eduardo Galeano no seu libro “Espejos. Una historia casi universal” e reprodúcea Ramón Usall en “Máis do que unhas cores”, volume publicado pola Editorial Menino Morreu na colección Bébel. Preparan na actualidade un traballo irreverente e atrevido dun autor novel, un ensaio sobre a cultura de Abraham Pérez e un traballo narrativo de Nacho Taibo na colección Lenda Urbana. “Non comparto a desconfianza co libro dixital, presenta moitas vantaxes aínda que non acaba de callar” indica Ángelo Pineda de Menino Morreu. A editorial naceu en xuño de 2022 e ademais das coleccións Bébel e Lenda Urbana, prepara unha terceira centrada no libro dixital. 

Fotografía Xan Xe