“Ao principio do libro digo que somos obxectos, que somos mercancía, póñome nunha posición dun marxismo primitivo”, afirma Marcos Lorenzo no clube de lectura de Radiofusión. Enser é un libro que escribiu “buscando dentro dun, na pequenas cousas cotiás”. O autor desta obra editada por Galaxia está seguro de que “temos que destapar e falar abertamente das nosas dores e abandonar esa ditadura do sorriso, do positivo que acaba sendo case cárcere e obrigatorio, No fondo en moitas ocasións non queremos sorrir”.