Esiankiki é un nome das mulleres masai de Kenia. Así se chama a protagonista do segundo libro de literatura infantil publicado por Antía Cons. Esiankiki demóstranos que para medrar non temos por que demostrar nada aos demais senón medrar nós mesmas. A personalidade emprendedora da protagonista fai posible esa demostración. Nas aventuras de Esiankiki están implícitos diferentes valores como a superación, a tolerancia e a iniciativa. “Creo que o valor máis importante é o de ter iniciativa, máis alá de que consigas o que queres ou fracases”, asegura a propia Antía Cons no clube de lectura de Radiofusión.