Non me lembro de onde deixei as chaves da casa. Non me sae o nome dun amigo de toda a vida. Para solventar eses pequenos fallos de memoria xurdeu o programa de avellentamento "Tardes activas". A situación de emerxencia sanitaria pola pandemia do covid 19, obrigou a suspender as reunións presenciais de persoas voluntarias que se celebraban en todas as parroquias de Fene. Para manter o contacto e suplir dalgún xeito esa carencia, os Servizos Sociais programaron "Fene na memoria", espazo realizado en colaboración con Radio Fene para intentar igualmente facer ximnasia coa memoria e favorecer o intercambio entre xeracións. Adxuntanse os audios dos programas realizados desde decembro de 2020 ata xuño de 2021. Cada programa vai precedido do nome da persoa voluntaria participante.