Hai dous acontecementos deportivos que abren o Nadal en Fene e que son espectaculares e solidarios. Este sábado, 15 de decembro, o pavillón da Xunqueira acolle a VIII edición da Exhibición Solidaria de Baile Moderno e Bailes de Salón. De 17 a 19,30 horas, tomarán parte clubes e escolas de toda a comarca e, no lugar de entrada, o público asistente poderá entregar produtos alimenticios non perecedoiros, destinados ás familias con menos recursos. Así mesmo, o sabado seguinte, o 22 de decembro, no mesmo escenario e de 16,30 a 20 horas, celebrarase a Exhibición de Ximnasia Artística. Nela participarán clubes da comarca e o local e a entrada é libre e de balde.