Ledicia Costas: "A escola debe transitar polo camiño da diversidade"

Programa: 
Club de lectura
Clube de lectura de Radio Fene Radiofusión sobre "A señorita Bubble"

A xente da vila sentiu un odio repentino pola señorita Bubble desde o mesmo día da súa chegada. A inventora apareceu por sorpresa unha mañá solleira, conducindo un convertible que funcionaba a vapor, e instalouse naquela vivenda que levaba tantos anos deshabitada. Repudiárona polo seu atavío, polos seus inventos, polo seu singular xeito de vivir. Ninguén sospeitaba o que en realidade sucedía no interior da mansión da señorita Bubble.

Unha muller intelixente, independente e fora do común sofre a incomprensión da comunidade, alimentada desde escuros intereses. A señorita Bubble de Ledicia Costas. Falamos del neste clube de lectura de Radio Fene Radiofusión con Esther Val, Andrés C.M.Ribeira, Henrique Sanfiz e coa autora Ledicia Costas.