Escritora e ilustrador; Angeles Goás e Leandro Lamas non se coñecían persoalmente ata que se viron esta semana en Radio Fene. “Eu en certo modo xa sentía que algo del coñecía, para min foi completamente natural, chameino un dia, conteille un pouco e el xa me comezou a enviar ilustracións a medida que ia facendo, con certa liberdade” comentou a escritora. 
Debuxar toureiros
O ilustrador Leandro Lamas pensa á hora de afrontar o reto de ilustrar un libro coa certa tranquilidade que lle da o posible coñecemento da súa obra por parte do escritor ou escritora. Moitas veces xa saben por onde poden ir os tiros. Aínda que hai un certo medo ao non saber se o seu traballo lle vai convencer ao autor ou autora. O libro ten unha gran carga emocional, que Angeles Goás soubo transmitir. Leandro ademais cando comezou a realizar os debuxos, coñecía toda a historia que había detrás. Leandro fálanos do seu traballo de ilustrador, pintor e debuxante. Ata agora sempre lle cadrou de facer traballos que lle gustan e iso é un privilexio. As encomendas son de persoas coas que se iría de viños. E un amor correspondido. Tu toreros no me pintarias,no? Preguntoulle unha persoa que quería consultar co artista residente en Neda un posible encargo. Leandro indicou que o ilustrador agradece as suxestións e as ideas da persoa que encarga as cousas. “Canta máis información teña mellor” salienta Lamas que prepara nestes momentos a ilustración de dous novos libros e cadros personalizados.