O conserxe. Xosé Luís Vázquez Somoza

Programa: 
Club de lectura
Clube de leitura de Radio Fene Radiofusión

Faino cun volume escrito nun coidado idioma galego -con léxico da zona rural de Lugo- e no que o conserxe do Instituto Eliseo Chousa se converte en investigador para intentar aclarar a morte dunha alumna. 

O papel do conserxe nun colexio ou instituto depende un pouco das características da persoa, segundo Xosé Luís Vázquez. 
Vázquez Somoza relatou como e cando lle veu a inspiración para dar co remate do libro. "foi un dia barbeándome cando levaba xa escritas 20 ou 30 páxinas do libro" indicando tamén que en 4 meses rematou coa escritura de "O conserxe".

O acoso escolar, a mala utilización das redes sociais e incluso unhas pinceladas de gastronomía aparecen nunha trama coa intriga ben dosificada. 

A literatura galega atravesa un bo momento cunha oferta ben surtida, variada e de calidade. O problema reside no galego vivo, no galego oral, no galego falado. 

A vida nun Instituto vese alterada por un acontecemento dramático: aparece o cadáver de Iria Garcia, unha alumna de 1º de bacharelato, colgado no aro dunha canastra.

Ese é o inicio do argumento de “O conserxe”, libro publicado por Xerais na colección Fora de xogo. Fran Martinez, Antonio Tizón, Henrique Sanfiz e Xosé Luís Vázquez Somoza conversaron sobre o volume no clube de leitura de Radio Fene Radiofusión.