Ao longo de quince capítulos, o profesor Carlos Callón amosa neste libro a represión vivida pola lingua galega dende 1543 ata a actualidade. “Unha secuencia de horrores. Somos herdeiros desas secuelas como os castigos físicos nos colexios por falar en galego”, asegura o autor do libro negro da lingua galega no club de lectura de Radiofusión. “Aínda que é un libro pesado, máis pesada é a lousa que leva enriba o noso idioma. O curioso é que é unha lousa continua cando en tódolos ámbitos hai moita máis demanda de galego que oferta de galego e tamén nas librarías do país moven moito máis mercado de libros en galego. Isto tamén da para pensar”.