“Todos caemos en certos prexuízos que temos ou ideas preconcibidas que fan moito dano e que consciente ou inconscientemente están sempre aí no tratamento xornalístico que se fai”, asegura Sara Vila, autora de Oito días sen Eva Cortes, a primeira novela desta xornalista pontevedresa. Esta obra protagonizada por Antía, una moza frustrada co seu traballo e coa súa sentimental, resultou gañadora da quinta edición do premio Illa Nova de Narrativa. “Moitos ingredientes que conforman esta historia de ficción son reais”, afirma Sara Vila no clube de lectura de Radiofusión.