ACTUALIDADE
-
Novas
Novas sobre programas, emisoras,... Todo o mais actual e de interese nesta sección.
-
Radio á carta
Escoita online os podcasts dos teus programas favoritos de Radiofusion.
Praza Alcalde Ramón Souto s/n, 15500 Fene (A Coruña) Galicia - Tfno. 981 492 773 - noticias@radiofusion.eu
Facebook
Twitter
A sensación de inmobilidade é un dos principais ángulos do libro de Salgado. Sobre este volume, escoitamos a conversa no clube de lectura de A Fenestra de Radio Fene Radiofusión. Participaron Ana Varela, Esther Val, Andrés C.M.Riveira, Henrique Sanfiz e o escritor. “Os paxaros e outros poemas” recollen unha certa tensión entre o natural, a materia que continua inmutable, sobrevive impasible e as convulsións da sociedade. A madeira apodrece pero a dominación continua polos séculos dos séculos. A existencia humana cambia e a natureza as veces parécenos que non cambia, segundo o literato.
Neruda, Maiakovski, César Vallejo e Celso Emilio Ferreiro foron algúns dos poetas aos que seguiu moito na súa xuventude Daniel. A tensión entre o social e o natural, entre a historia e a natureza aparecen nos seus poemas. Son os paxaros que se ven nas cidades, que marchan e volven.
Ábrese este poemario cunha oración, unha oración que da unidade aos textos, que é unha sorte de fiestra da que observamos intentando interpretar as circunstancias do que nos rodea, a materia que nos sobrevive,o asombro na ollada, pero tamén aparece a busca da xustiza. Dános a sensación de que o observador, non chega a comprender e descifrar os sinais, afirma Ana Varela.
Clube de lectura de Radio Fene Radiofusión. Fotografía: Xan Xe Corral