Rumboia 175: Saltanocribo – Saltanocribo (2011) (12:07)

Programa: 
Rumboia

Saltanocribo é un grupo de música galega creado no 2009 en Sarria, (Lugo). Os seus componentes, maioritariamente da xomarca de Sarria eran Luis Quintana, gaita e clarinete; Pablo Camarero, violín; Xosé Manuel Díaz, ‘Barbeiro’, acordeón; Rebeca Tallón e Ismael García, percusión; Carolina Vázquez, voz; Braulio Correa, guitarra, e Suso González, frautas e gaita.

Os músicos integrantes de Saltanocribo pasaron antes por diversas formacións, como A Quenlla, Xarín, Eoas, Gaiteiros do Incio e os grupos de música e baile tradicional das asociacións culturais sarriás Meigas e Trasgos e Peleriños. Todos eles estaban unidos pola inquedenza de remexer nas músicas de raiz, e pola ilusión de facer algo novo, abríndose a novas influencias, e na espera de gustar, fundamentalmente de gustar a todos os que os escoitaran. No ano 2011 sacaron o seu primeiro traballo, bautizado co mesmo nome que o grupo, e nel inclúen arranxos tradicionais e creacións propias.