“Seguramente moitas persoas non saiban que son clientes desta nova compañía porque a estratexia dos dous grupos fusionados era contar con diferentes marcas dirixidas a distintos públicos”, explica Iago. Tras a fusión concentra marcas como Orange, Yoigo, Jazztel, Masmobil, Pepephone. Euskaltel, R e Telecable. A nova operadora ten máis de 30 millóns de liñas de móbil e dá servizo de banda larga a través de fibra óptica a máis de 7,3 millóns de fogares, moitos en Galicia porque unha das empresas do grupo é R. A nova empresa ten previsto continuar a mesma estratexia multimarca e anuncian o mantemento de R. Anunciaron un ambicioso plan industrial con 4.000 millóns de euros de investimento para os próximos tres anos. Unha noticia positiva para usuarios de R e para os seus traballadores.