A categoría de Mellor Espectáculo Revelación persegue promover e reivindicar montaxes alternativas e céntrase nas de alcance autonómico. En concreto, segundo a organización, baséase na singularidade artística e a súa contribución renovadora. Neste senso, Aeroplanos, baseada nunha peza orixinal de Carlos Gorostiza e dirixida por Rosa Álvarez, é unha comedia de intriga ao redor das relacións humanas, que crea unha empatía especial entre os espectadores e os actores, Ernesto Chao e X. M. Olveira “Pico”.