Leslie Nielsen aínda che fora ben parecido nos seus anos mozos, cando actuou en clásicos de acción estadounidenses como “Forbidden Planet” ou “La Aventura del Poseidón”, pero logo comezou a caer no esquecemento e non foi ata achegarse a senectude que a súa carreira colleu velocidade que mesmo tivo a honra de ser un dos que emparentou na ficción cunha das Chicas de Oro nos capítulos finais da serie. Agora, dentro doutro xiro improbable no seu currículo, acepta bendicir “Spanish Movie”, un proxecto da xeración chanante na que o fauno do labirinto de Del Toro é como unha cabra que sube a escaleira cando lle tocan a trompeta, e o paralizado Sampedro de “Mar Adentro” é un neno consentido que fica na cama para que llo dean todo feito. Tanta irreverencia leva o selo de calidade de Leslie Nielsen, que coa súa cara de despiste asoma facendo un cameo por aí. Tamén o fai en “Buenafuente”, que o recibe con entrevista exclusiva á medianoite en La Sexta.