Coa chegada da Segunda República remata este dramón historicista que os que non seguimos somos incapaces de resumir, nin sequera atendendo á sinopse. Alicia chega coas probas suficientes para inculpar a Gonzalo, metelo no cárcere e destruílo, pero a información terá un prezo: que Alonso rache todo compromiso con Carlota. Porén a nena non fará o que lle diga o corazón, senón a cabeza. E ademais, Victoria Márquez, retorna aos brazos de Ángel, o seu único amor, quen deixa o sacerdocio.

Din que xa andan mal as vocacións, e ata na ficción non hai quen ature o celibato. Outra sotana se levanta en nome da audiencia co acto final de “La Señora”, que se emite en Televisión Española ás dez da noite.