Co obxectivo de fomentar o espírito viaxeiro da mocidade, o CMIX organiza o III Concurso de Fotografía con Móbil Rkunchos, o VIII Certame Viaxarte de Fotografía de Viaxes, o Obradoiro de fotografía para viaxes e roteiros de turismo activo e mariñeiro de balde.
Ademais, no marco desta campaña estival, o centro pon a disposición dos rapaces un servizo especializado de información e asesoramento sobre viaxes, a Viaxeteca, a Blogoteca, acceso gratuíto a Internet ou tramitación de carnés específicos para a xuventude.
PROPOSTAS
Blogoteca viaxeira: selección dalgúns dos mellores espazos da rede en que se narran experiencias, anécdotas, recursos, trucos... Todas as opinións teñen cabida en www.coruna.es/nex.
Sitio no Facebook, para que nos sigas a pista e compartas as túas experiencias viaxeiras.
Turismo activo, roteiros e obradoiros de balde:
• Obradorio de fotografía para viaxes: Queres mellorar a túa técnica fotográfica rodeado/a de xente coas túas mesmas inquietudes viaxeiras? Este é o teu obradoiro.
Cando: 7 e 8 de xullo
Para: mozas e mozos entre 14 e 30 anos
• Roteiro e xornada de turismo mariñeiro: Goza dun roteiro polo Monte Louro e a Lagoa de Xarfas en Muros e dunha xornada mariñeira para coñeceres o noso patrimonio etnográfico e natural en Lira e remata a xornada cunha visita á fervenza do Ézaro.
Cando: 14 e 15 de xullo
Para: mozas e mozos entre 14 e 30 anos
Inclúe: transporte, cea e aloxamento o primeiro día, almorzo e xantar do segundo día.
• Xeira de turismo activo: ven gozar dun roteiro en Kayak pola ría do Barqueiro.
Cando: venres 5 de agosto
Para: mozas e mozos entre 14 e 30 anos
Viaxeteca. Recursos Documentais do Servizo de Información sobre Turismo Xuvenil
VIII Concurso de Fotografía de Viaxes. Viaxarte 2011
Se tes entre 15 e 30 anos, tráenos as mellores fotografías das túas viaxes do 1 de xullo ao 2 de setembro de 2011, e poderás gañar unha fantástica viaxe a unha capital europea.
• Exposición das fotografías presentadas ó Concurso "Viaxarte": as fotografías premiadas e unha selección das non premiadas serán expostas durante o mes de setembro no Fórum Metropolitano da Coruña e publicadas nesta páxina web.
III Edición do Concurso de Fotografía con móbil: Rkunchos 2011
O CMIX, coa colaboración de Renfe Alta Velocidad/Grandes Líneas e o Consorcio de Turismo da Coruña, pon en marcha a terceira edición do Concurso de Fotografía con Móbil Rkunchos, no que poderán participar mozos e mozas da Coruña de entre 15 e 25 anos (ambos incluídos), ata o 15 de xuño de 2011.
A través desta iniciativa, poderasnos ensinar o teu recuncho favorito da cidade baixo o teu prisma e terás a oportunidade de gañar dous billetes de InterRail para viaxar por Europa este verán.
