“Non é de recibo que se solucione a situación doutras zonas do Estado a costa da nosa comarca, xa de por sí afogada pola alta taxa de desemprego” declarou esta mañá o secretario comarcal da CIG, Manuel Grandal. “Á crise do sector naval súmase agora o do carbón e todo responde a unha actuación política”. A cidadanía ten que saber que este decreto conta con informes desfavorables da Comisión Nacional de Enerxía e da Comisión Nacional de Competencia, sinalou Grandal.  

Uns dos que están a sufrir as primeiras consecuencias desta medida son os camioneiros. O seu voceiro, Tito Xubia, explicou que levan dous meses parados. Non chega carbón, dinnos que van chegar axudas pero só chegan para Endesa.

Esta situación conleva que traballen precariamente favorecendo o lucro cesante de Endesa, Gas Natural e Fenosa. Tamén outras empresas se aproveitan e non sacan os seus camións porque lles resulta máis barato contratar aos das Pontes.  

Manuel Grandal afirmou, que pese a súa aprobación, seguirán adiante nas súas reivindicacións.