“Xente do Depor e do Celta dixéronnos que estarían encantados de xogar, pero non lles deixan por non ser partido oficial”, láianse dende Siareiros Galegos, mais aseguran que o espectáculo será de categoría en calquera caso. A xornada servirá tamén para reivindicar a oficialidade das seleccións deportivas galegas mediante unha manifestación que partirá ás cinco da tarde da Alameda, co lema “Selección nacional, dereito popular” en cabeza. A festa rematará despois do partido cun concerto na Sala Capitol programado ás nove e media da noite e no que actuarán Machina, Mencer Vermelho e Habeas Corpus.