7 euros fronte a 5,05. O tren é competitivo en prezos neste 2012 fronte ao autobus nos desprazamentos entre Ferrol e A Coruña. Pero o servizo de Arriva gaña por goleada en canto a tempo (45 minutos fronte a 70) e en canto a frecuencias (1 cada media hora no autobus e 5 diarios no tren).

Desprazarse individualmente cada vez é máis caro. Faise patente a necesidade de conservar o medio ambiente.  Por iso chega o momento de botar contas sobre o uso do transporte colectivo para desprazarnos ocasional ou regularmente entre a comarca de Ferrol e A Coruña.

Modernizar a liña é algo crucial se se quere convertir o ferrocarril nun transporte moderno e competitivo na gran zona urbana de Ferrol e A Coruña.  Máis alá das obras, o presidente da Asociación Ferrolterra de Amigos do Ferrocarril Manuel del Rio apunta a necesidade dunha xerencia galega da Renfe. A dirección da compañia debe estar en Galicia para saber as necesidades do tren. Un servizo de proximidade, con máis frecuencias e tarifas máis económicas» , demanda o Bloque Nacionalista Galego para a liña entre A Coruña e Ferrol. A aposta polo transporte público e especificamente polo tren, é fundamental se se quere pórlle fin aos problemas de mobilidade e reducir o impacto negativo no medio ambiente, afirman os nacionalistas.