Raúl Mon asegurou en Radiofusión que en Tape Worms poderemos percibir cambios, sobre todo porque “este é un disco concibido para tocar en directo, non como ocorreu con Far from perfect. Ademais, no traballo podemos atopar unha versión do “Down the line” de José González.

O 3 de abril comezou a xira de presentación deste EP na Capitol de Compostela. Agora quedan moitos outros concertos por diante. Este venres 17 actuarán na Sala Karma de Pontevedra e ao día seguinte no Con do Moucho da Illa de Arousa. A estas citas seguiralles o 24 de abril o Campus Rock de A Coruña e a partir de maio sairán de xira polo Estado.