Ata o 19 de xaneiro permanece aberto o período de consultas da revisión do Plan Xeral de Ordenación Municipal de Fene. O goberno municipal entregoulle aos grupos da oposición unha copia en CD do documento de arredor de 500 folios. Pódese tamén consultar na rede. A revisión e nova redacción do Plan adxudicouse en xaneiro deste ano á empresa Arqyur por un importe de 200.042 euros. Conta cun prazo de execución de 32 meses.