Humor galego feito a man. Un agasallo para Xaquín Marín. É o lema da homenaxe que organiza a Fundación Galiza Cultura como agradecemento ao seu humor galego feito a man. “Unha maneira de agradecer todo o que fai e amosarlle o noso cariño e o noso amor”, declarou a Radio Fene Xosé Manuel Carril, presidente da Fundación Galiza Cultura. “Soubo partir da tradición iniciada por Castelao e proxectala”. Música e intervencións de humoristas gráficos e profesionais do ámbito artístico, como Siro e Pepe Barro, da responsable do Museo do Humor Xaquín Marín de Fene, Almudena Marcos. Como mestre de cerimonias actuará Quico Cadaval. Homenaxe a Xaquín Marín mañá, ás sete da tarde, no Xofre. Aberto a todas as persoas que queiran sumarse.